कावासोतीमा बम बिष्फोट , जनजिवन त्रसित बन्दै

नवलपुरको सदरमुकाम कावासोतीको मुख्य बजारमानै शक्तिशाली बम बिष्फोट भएको छ । कावासोती नगरपालिका वडा नम्बर २ स्थित राजमार्गको छेउमा बम बिष्फोट भएको हो । बम बिष्फोटबाट मानविय र भौतिक क्षती नभएपनि जवनजिवन अत्यन्त त्रसित बनेको छ । बिच बजारमानै बम पड्किएपछि सदरमुकाम कावासोतीको जनजिवन अत्यन्त त्रसित बनेको छ । यस अघि बिहिबार बिहान जिल्लाका बिभिन्न स्थानमा शंकास्पद बस्तु भेटिएका थिए भने कावासोती १६ डण्डामा भारतिय ट्रकमाथी आगजनी भएको थियो । बम विष्फोट पश्चात् थप सुरक्षा सतर्कता अपनाईएको र प्रहरी परिचालन गरेर सुरक्षा व्यवस्था कडा पारिएको प्रहरीले जानकारी दिएको छ । जिल्ला प्रहरी कार्यालय नवलपुरका प्रहरी निरिक्षक राजेन्द्र प्रसाद अधिकारीका अनुसार बम बिष्फोट बाट कुनै क्षती भएको छैन । खाली जग्गामा बम बिष्फोट भएकाले कुनैं क्षती हुन नपाएको हो । बम पड्किएको आवाज २ किमि पर सम्म सुनिएको अधिकारीको भनाई छ ।

बम पड्किएकैं स्थानमा अर्को बोरामा शंकास्पद बस्तु भेटिएपछि अहिले प्रहरीले सर्तकता अपनाउदैं बम डिस्पोजल टोलीलाई बोलाएको अधिकारीले बताउनुभयो ।